ഈ മനുഷ്യജന്മത്തിന്റെ ആയുസ്സിലെ ഒരു തണുപ്പുകാലം കൂടി വിടപറഞ്ഞിറങ്ങുമ്പോൾ ..... കുറെ ഓര്‍മ്മകളും, നല്ല നിമിഷങ്ങളും, അതിലേറെ മറവിലേയ്ക്ക് തള്ളിവിടപ്പെട്ട ചീത്ത നിമിഷങ്ങളും മാത്രം ബാക്കി.......... പ്രണയത്തെക്കുറിച്ചു പറഞ്ഞാൽ "ദൂരദൂരങ്ങള്‍ താണ്ടി നീയെത്തുന്നതും കാത്ത് ഈ വർഷവസാന നിമിഷവും ഞാൻ മാത്രം ", നീയെന്നാൽ ഇനി വരും വേനലില്‍ എന്റെ ഓര്‍മ്മകളില്‍ മഴ പെയ്യിക്കും മേഘമായീടുക, ഇനിയും സഫലീകരിക്കാത്ത ആഗ്രഹങ്ങളുടെ ഒരു കാലം കൂടി വിധി എന്ന് പേരിട്ടു വിളിക്കുന്ന രണ്ടക്ഷരമേ നീ കാട്ടിത്തന്നു . നീയെന്നും അങ്ങനെ തന്നെ ആയിരുന്നു, പ്രതീക്ഷിക്കാത്ത, നിനച്ചിരിക്കാത്ത നിമിഷങ്ങളിലായിരുന്നു നീയെന്നും എത്തിയത്.. പോയ കാലം വരുത്തിയ മാറ്റങ്ങളെ ഞാന്‍ വിലക്കെടുക്കുന്നില്ല, എനിക്ക് കാണുകയും വേണ്ട. എന്നുമെന്നും നീ എന്റെ ജീവിതത്തിൻ നിറഞ്ഞാടുകതന്നെ വേണം ഒരു പേമാരിപോലെ......... മായ്ക്കാനും, മറക്കാനും മാറ്റങ്ങൾ ഉണ്ടാകുന്നുണ്ടെന്ന് കാട്ടിത്തരുവാനും പിന്നെയും മുറിപ്പെടുത്താനും കാരണങ്ങള്‍ കണ്ടുപിടിക്കുകയാണ് കാലം!! എത്രെത്ര മുഖങ്ങളായി, എത്രെത്ര പേരുകളായി ഇതിനിടയില്‍ നീയെന്നിലേക്ക് എത്തിയിട്ടുണ്ട്, ഞാനറിയായ്കയല്ല, സ്നേഹത്തിലെവിടെയാണ് പകരംവയ്ക്കലുകള്‍! നീയെത്തും വരേയ്ക്കും എനിക്കോര്‍ക്കാന്‍ ഈ ഏകാന്തത നല്‍കിയ നിമിഷങ്ങള്‍ മാത്രം.. എന്നാണു, ഏതു വഴിയിലാണ് നിന്നെക്കാണുക എന്നറിയാത്ത യാത്രകൾ ... കൈപിടിക്കാന്‍ നീ കൂടെയില്ലാത്ത യാത്രകള്‍ അത്രമേല്‍ വിരസമാവുന്നുണ്ട് ചിലപ്പോൾ, എങ്കിലും പാതിവഴിയില്‍ ഉപേക്ഷിക്കാന്‍ വയ്യല്ലോ...! മാറുന്നുണ്ട് ചുറ്റുമുള്ളതെല്ലാം, കാലമതിന്റെ കലാവിരുതുകള്‍ കാട്ടുന്നുമുണ്ട്! എങ്കിലും ചലനം നഷ്ടപ്പെട്ട ചിലരുണ്ടെന്നു കാലം മറന്നു പോവുന്നു! നിരന്തരമായ ചാക്രികമായ പ്രക്രിയകളുടെ ആവര്‍ത്തനങ്ങള്‍ കൊണ്ട് പാകപ്പെടുന്ന, പരുവപ്പെടുന്ന ഒന്നിന്, അതല്ലാത്ത മറ്റൊന്നിനാലും സ്വാധീനിക്കപ്പെടാന്‍ സാധിക്കാത്ത ഒന്നിന്, ഭയപ്പെടേണ്ടാതായി ഒന്നുമൊന്നുമില്ലെന്നു ചുറ്റുമുള്ള മറ്റെല്ലാം അറിയുന്ന കാലം എന്നാണു. മരണത്തോടായാല്‍ പോലും അത്രയും സ്വീകാര്യതയോടെ വരവേല്‍ക്കാന്‍ സാധിക്കുന്ന ഒരാള്‍ക്ക് മറ്റെന്തിനാലാണ് ആശ്വാസം ലഭിക്കുക, കാലത്തിന്റെ ഗതിവേഗക്കണക്കുകളിൽ പെട്ടു ഉഴലാതെ ഈ ആയുസ്സിലെ ഇനിയുള്ള വർഷം നീ ശുഭമാക്കിത്തരിക ദൈവമേ .
2019 ഡിസംബർ 31, ചൊവ്വാഴ്ച
പുതുവർഷം
ഈ മനുഷ്യജന്മത്തിന്റെ ആയുസ്സിലെ ഒരു തണുപ്പുകാലം കൂടി വിടപറഞ്ഞിറങ്ങുമ്പോൾ ..... കുറെ ഓര്‍മ്മകളും, നല്ല നിമിഷങ്ങളും, അതിലേറെ മറവിലേയ്ക്ക് തള്ളിവിടപ്പെട്ട ചീത്ത നിമിഷങ്ങളും മാത്രം ബാക്കി.......... പ്രണയത്തെക്കുറിച്ചു പറഞ്ഞാൽ "ദൂരദൂരങ്ങള്‍ താണ്ടി നീയെത്തുന്നതും കാത്ത് ഈ വർഷവസാന നിമിഷവും ഞാൻ മാത്രം ", നീയെന്നാൽ ഇനി വരും വേനലില്‍ എന്റെ ഓര്‍മ്മകളില്‍ മഴ പെയ്യിക്കും മേഘമായീടുക, ഇനിയും സഫലീകരിക്കാത്ത ആഗ്രഹങ്ങളുടെ ഒരു കാലം കൂടി വിധി എന്ന് പേരിട്ടു വിളിക്കുന്ന രണ്ടക്ഷരമേ നീ കാട്ടിത്തന്നു . നീയെന്നും അങ്ങനെ തന്നെ ആയിരുന്നു, പ്രതീക്ഷിക്കാത്ത, നിനച്ചിരിക്കാത്ത നിമിഷങ്ങളിലായിരുന്നു നീയെന്നും എത്തിയത്.. പോയ കാലം വരുത്തിയ മാറ്റങ്ങളെ ഞാന്‍ വിലക്കെടുക്കുന്നില്ല, എനിക്ക് കാണുകയും വേണ്ട. എന്നുമെന്നും നീ എന്റെ ജീവിതത്തിൻ നിറഞ്ഞാടുകതന്നെ വേണം ഒരു പേമാരിപോലെ......... മായ്ക്കാനും, മറക്കാനും മാറ്റങ്ങൾ ഉണ്ടാകുന്നുണ്ടെന്ന് കാട്ടിത്തരുവാനും പിന്നെയും മുറിപ്പെടുത്താനും കാരണങ്ങള്‍ കണ്ടുപിടിക്കുകയാണ് കാലം!! എത്രെത്ര മുഖങ്ങളായി, എത്രെത്ര പേരുകളായി ഇതിനിടയില്‍ നീയെന്നിലേക്ക് എത്തിയിട്ടുണ്ട്, ഞാനറിയായ്കയല്ല, സ്നേഹത്തിലെവിടെയാണ് പകരംവയ്ക്കലുകള്‍! നീയെത്തും വരേയ്ക്കും എനിക്കോര്‍ക്കാന്‍ ഈ ഏകാന്തത നല്‍കിയ നിമിഷങ്ങള്‍ മാത്രം.. എന്നാണു, ഏതു വഴിയിലാണ് നിന്നെക്കാണുക എന്നറിയാത്ത യാത്രകൾ ... കൈപിടിക്കാന്‍ നീ കൂടെയില്ലാത്ത യാത്രകള്‍ അത്രമേല്‍ വിരസമാവുന്നുണ്ട് ചിലപ്പോൾ, എങ്കിലും പാതിവഴിയില്‍ ഉപേക്ഷിക്കാന്‍ വയ്യല്ലോ...! മാറുന്നുണ്ട് ചുറ്റുമുള്ളതെല്ലാം, കാലമതിന്റെ കലാവിരുതുകള്‍ കാട്ടുന്നുമുണ്ട്! എങ്കിലും ചലനം നഷ്ടപ്പെട്ട ചിലരുണ്ടെന്നു കാലം മറന്നു പോവുന്നു! നിരന്തരമായ ചാക്രികമായ പ്രക്രിയകളുടെ ആവര്‍ത്തനങ്ങള്‍ കൊണ്ട് പാകപ്പെടുന്ന, പരുവപ്പെടുന്ന ഒന്നിന്, അതല്ലാത്ത മറ്റൊന്നിനാലും സ്വാധീനിക്കപ്പെടാന്‍ സാധിക്കാത്ത ഒന്നിന്, ഭയപ്പെടേണ്ടാതായി ഒന്നുമൊന്നുമില്ലെന്നു ചുറ്റുമുള്ള മറ്റെല്ലാം അറിയുന്ന കാലം എന്നാണു. മരണത്തോടായാല്‍ പോലും അത്രയും സ്വീകാര്യതയോടെ വരവേല്‍ക്കാന്‍ സാധിക്കുന്ന ഒരാള്‍ക്ക് മറ്റെന്തിനാലാണ് ആശ്വാസം ലഭിക്കുക, കാലത്തിന്റെ ഗതിവേഗക്കണക്കുകളിൽ പെട്ടു ഉഴലാതെ ഈ ആയുസ്സിലെ ഇനിയുള്ള വർഷം നീ ശുഭമാക്കിത്തരിക ദൈവമേ .