ഒരു ഭ്രാന്തൻ്റെ ഡയറിക്കുറിപ്പുകൾ😍😘🥰🫂

ജീവിതത്തിൽ ആദ്യമായി അവൾ തന്ന സ്നേഹചുംബനത്തിൽ പ്രണയത്തിന്റെയോ വാത്സല്യത്തിന്റെയോ ആഴമളക്കുന്ന എന്തോ ഒരു മാന്ത്രികത ഒളിപ്പിച്ചിട്ടുണ്ടായിരുന്നു ,
അത്രയും നാൾ ഞാൻ അനുഭവിച്ചറിയാത്ത ഏതോ ഒരു പുതിയ ലോകത്തേക്ക് അത് എന്നെ കൂട്ടികൊണ്ടുപോയിരുന്നു.
അവളുടെ സ്‌നേഹം ആഴക്കടലിനേക്കാൾ അഗാധവും, ആകാശത്തിലെ നീലിമയെക്കൾ വശ്യവുമായിരുന്നു.

എൻ്റെ പ്രിയപ്പെട്ടവൾക്ക് ഇന്നിൻ്റെ ഓർമ്മയി കുറിക്കുന്നത്,

എന്റെ പ്രിയപ്പെട്ടവൾക്ക്',.....

ഒത്തിരി ഇഷ്ടമാണ് നിന്നെ... ഒരുപാട്...

അതിലേറെ മിസ്സ് ചെയ്യുന്നുണ്ട് ഞാൻ ഇപ്പോൾ. 

നീ എനിക്ക് ആരാണെന്ന് ചോദിച്ചാൽ ഒറ്റവാക്കിൽ പറയാൻ ഉള്ളത്, നീ എനിക്ക് എൻ്റെ എല്ലാം എല്ലാമാണ് എന്നാണ്.

നീ കൂടെയുള്ള ഓരോ നിമിഷവും എനിക്ക് ഞാനായി ജീവിക്കാൻ കഴിഞ്ഞിട്ടുണ്ട്.

നിന്റെ സ്നേഹം എന്നിൽ നിന്ന് നഷ്ടപ്പെടുമോ എന്ന് ഓർക്കുമ്പോൾ തന്നെ എൻ്റെ ചങ്കൊന്ന് പിടയും.

പലവട്ടം ഞാൻ പോവുകയാണ്' എന്ന് പറഞ്ഞു കളിയായി പറഞ്ഞ് പിണങ്ങി പോയിട്ടുണ്ട്, വീണ്ടും തിരിച്ചു വന്നിട്ടുണ്ട്.

 പോവുകയാണെന്ന്  പറയുമ്പോൾ തന്നെ ചങ്കിൽ തീയാണ്, പിന്നെ നിന്റെ ആ ശബ്‌ദം, മെസേജ് കേട്ടാലേ ,കണ്ടാലോ അതൊന്നു തണുക്കൂ.

എന്നും സ്നേഹത്തോടെ പെയ്യാറുള്ള മഴയാണ് നീ, എന്നാൽ ഇന്ന് ആ മഴയൊന്ന് ആസ്വദിക്കണമെങ്കിൽ നീ കൂടെ വേണം.

നിന്റെ ശബ്ദ‌ം, മെസ്സേജ്, ആ 'മുഖം' കേൾക്കാത്ത, കാണാത്ത ഒരു ദിവസം പോലും എന്റെ ജീവിതത്തിൽ ഉണ്ടാവരുതേ എന്നാണ് എന്റെ പ്രാർത്ഥന.

 ഇന്ന് എൻ്റെ ചുണ്ടിൽ വിരിയുന്ന ഓരോ പുഞ്ചിരിയും നിന്റെ സമ്മാനമാണ്. ഒത്തിരി സ്നേഹത്തോടെ, നിന്റെ മാത്രം ദാസ്.

ദൂരെ നിന്നവൻ ഞാൻ

നിനക്ക് സുഖമില്ലാതെ വരുമ്പോൾ ദൂരത്തിരുന്ന് ഒന്നും ചെയ്യാൻ പറ്റാതെ ഞാൻ ഒരുപാട് വിഷമിച്ചിട്ടുണ്ട്..

ആ സമയങ്ങളിൽ നിൻ്റെ നെറ്റിയിൽ ഒന്ന് ചുംബിച്ച്, നിന്നെ നെഞ്ചോട് ചേർത്ത് പിടിച്ച് ഉറക്കാൻ തോന്നിപോകും,

ഇന്നെൻ്റെ നൊമ്പരം

ഒരു ഫോൺ സ്ക്രീനിന്റെ പരിധിക്കപ്പുറം. 

നിന്റെ കൈകൾ ചേർത്തുപിടിക്കാൻ കഴിയാത്തതാണ്  ഇന്നെൻ്റ  നൊമ്പരവും ഏറ്റവും വലിയ  സങ്കടവും.

എങ്കിലും, നമ്മൾ

വീണ്ടും ഒന്നിക്കുന്ന ആ ഒരു നിമിഷത്തിനായുള്ള കാത്തിരിപ്പിലാണ് എൻ്റെ സന്തോഷം മുഴുവൻ..

സമയം ഇല്ലാതാവുമ്പോൾ

പകലും രാത്രിയും കൂടിച്ചേർന്ന് സുന്ദരമാക്കുന്ന

പുലരിയും സന്ധ്യയും പോലെ!!!

രണ്ട് മനസ്സുകൾ കൂടിച്ചേർന്ന് സുന്ദരമാക്കുന്ന

നിമിഷങ്ങളാകണം ജീവിതം.

മടുക്കാതിരുന്നാൽ, മാറ്റൊന്നും ബന്ധങ്ങൾക്ക് തടസമവില്ല എന്ന കരുതൽ വേണം !!!

കാലം മാറാം, വഴികൾ വേറായാം, പക്ഷേ മനസ്സുകൾ ചേർന്നു നടക്കുമ്പോൾ ദൂരം പോലും തോറ്റുപോകും !!

എത്രയോറെ തിരക്കുകൾക്കിടയിലും ,

ഒരു ചിരി, ഒരു വിളി, ഒരു മെസേജ്,!!

ഇത്തിരി സ്നേഹം, ഇത്തിരി കരുതൽ സമ്മാനിച്ചാൽ ബന്ധങ്ങൾ മങ്ങില്ല, മറിച്ച് കൂടുതൽ പ്രകാശിക്കും.

ആർക്കും സമയം ഇല്ലാത്ത ലോകത്ത് സമയം കണ്ടെത്തുന്നവരാണ് ഏറ്റവും കൂടുതൽ സ്നേഹിക്കുന്നവർ കരുതലുള്ളവർ '!!i

ഒരു തുലാവർഷ മഴയിലെ കുടയായവർ.

നേവിൽ പ്രണയം കണ്ടവൾ

ഏതൊരു മിടുക്കനായ ......🛳️🛳️

കപ്പിത്താനെയും വട്ടം ചുറ്റിക്കുവാൻ പോന്ന !!!

ഉൾക്കടലായിമാറുന്നെരുവൾ.💃

മാനം മുട്ടുന്ന രാക്ഷസ തിരമാലകൾ 🌊🌊പോലെ കോപം, 😡❤️‍🔥❤️‍🔥

അവൾ വേദനകൾ തന്നേക്കാം, അതിലേറെ അവൾ വേദനിക്കുന്നുമുണ്ട്😢😥

ക്ഷമയോടെ കാത്തിരിക്കുകയല്ലാതെ !!!

 മറ്റൊരു വഴിയില്ല, 🚧

ശാന്തമായൊഴുകുന്ന 🏞️🏞️പുഴയായി പുനർജനിക്കുന്നത് വരെ അവൾക്കായി !!കാത്തിരിക്കാം.💝

വേർപാടിൻ്റെ രണ്ട് ചെറുനക്ഷത്രങ്ങൾ

വിരഹമൊരു ചെറു ആകാശമാണ്,

മിഴിയില്‍നിന്നകലുന്ന കാഴ്ചയാണ്, 

പിരിയുന്ന വഴികളില്‍  തെളിയുന്ന .....

നക്ഷത്രമാണ് നമ്മൾ .

ഓരോ നിമിഷവും ...

മറവിയാം മിഴിയിൽ നിന്നകന്നിടാം ,

ഓരോ നിമിഷവും കാലമാം യവനികയിൽ കണ്ടിടാം

ഈ രണ്ടു ചെറു നക്ഷത്രങ്ങളാം നമ്മൾ '

,, ഇന്നിന്റെ വിരഹം

വിരഹം കനലായിയെരിയുമ്പോൾ
മരിച്ചുപോകുന്ന സ്നേഹം
ഉയിർക്കാൻ കാത്തിരിക്കുന്നു.
നിരായുധയായൊരുവൻ...
ഭ്രാന്തിന്റെ പകലിൽ നീറി ,
കനിവുo തേടി ഞാൻ നിന്റെ മുന്നിൽ
ഞാൻ കിതച്ചെത്തും,
എനിക്‌ ഭ്രാന്തുകോറിയിടാനുള്ള
ചുമരായ്‌ നീ മാറുക.

വിരഹ വ്യഥ

കണങ്കാലിൽ ഉമ്മ വെച്ചിട്ടോടാൻ......

കൊതിക്കുന്ന തിരപോലെയാണ്....

ഇന്നെന്നുള്ളം,,,,,,,

 ഒരു മാത്ര വെറുതേ മോഹിച്ചിടുന്നു നിൻ ചാരെയെന്നെത്തിടാൻ സഖീ.

കാത്തിരിപ്പ്

കാലം എനിക്കു നൽകിയത് നോവിന്റെ ഹൃദയമാണ്, അതിനെ ഞാൻ കാത്തിരിപ്പിന്റെ ആവലാതികൾക്ക് വിട്ട് കൊടുക്കുന്നു. അവ മുളപൊട്ടി വളർന്നിടട്ടെ,

എന്നിലെ ജീവന്റെ  നിന്നെ ഞാൻ സ്വന്തമാക്കും വരെ.

എന്റെ നോവ്

നീ എന്നിൽ നിന്നും എത്ര അകലെയാണെങ്കിലും എനിക്ക് നിന്നോട് അത്രമാത്രം അടുക്കുവാനെ പറ്റൂ നിന്നെ കാണതിരിക്കുമ്പോൾ അർത്ഥ ശൂന്യമാകുന്ന ദിനങ്ങളിൽ ഉറങ്ങാൻ ആവാതെ നെഞ്ചോടുചേർത്തു വെക്കുന്നത് നിന്റെ ഓർമ്മകൾ മാത്രം എന്റെ ഹൃദയം തുടിക്കുന്നത് പോലും  നിന്റെ പേരിൽ ചെല്ലിയാണ് ❤️❤️😍😍😍😍

പ്രണയം

ഒരു ജന്മം മുഴുവന്‍ പറഞ്ഞു തീര്‍ത്താല്‍ തീരാത്ത സ്നേഹത്തോടെ

എന്‍റെ മനസ്സിന്‍റെ മടിത്തട്ടില്‍ ആര്‍ക്കും കൊടുക്കാതെ കാത്തു സൂക്ഷിച്ചിരുന്ന എന്നിലെ പ്രണയം നിനക്കായ് മാത്രം ഞാന്‍ സമര്‍പ്പിക്കുന്നു..

എന്നിലോയ്ക്ക് വസന്തം പകർന്നവൾ

മരങ്ങൾ തളിർക്കുമ്പോഴും  തളിർത്ത ചില്ലകൾക്ക് വിരുന്നൊരുക്കി പൂമൊട്ടിടുമ്പോഴും'

എന്റെ പൂന്തോട്ടത്തിന്റെ കാവൽക്കാരിയായവൾ.......

എന്നിലെ വസന്തം ആയവൾ ........

അവൾ എന്റെ പൂമ്പാറ്റകളെ,, ചുമ്പിക്കാൻ പഠിപ്പിച്ചവൾ.

തൂലിക

മൗനമേ  നിനക്കെന്നോട് കരുണ കാട്ടരുതോ...

നിനക്ക് മാത്രം അറിയാവുന്ന 

എന്റെ വേദന ഒപ്പിയെടുക്കുവാന്‍..

എന്റെ ഹൃദയരക്തവും നിന്നെ അടക്കം ചെയ്ത കണ്ണീരും പുരണ്ട 

തൂലികയ്ക്കാവുന്നില്ല

ജീവിതഗന്ധി

കടലോളം കഥകൾ ഒരു മടുപ്പും കൂടാതെ നമുക്ക് പറയാന്‍ ഉണ്ടെങ്കിലും, നീ പറഞ്ഞു തുടങ്ങുമ്പോൾ ശൂന്യമാവുന്ന എന്നിലെ കഥകൾക്ക് ഇന്നും പറന്നുയരാൻ ആകാശം കിട്ടിയിട്ടില്ല'

എന്റെ കഥകൾ

കുഞ്ഞിച്ചിറകുകൾ വീശി

എതുയരം വരെ പറക്കുന്നുവോ

അവിടെവരെയാണെന്റെ ലോകം.

കാലപ്രവാഹത്തിൽ

എന്റെ കഥകൾക്ക് വർണ്ണന നഷ്ടപ്പെട്ടേയ്ക്കാം...

നിന്റെ സ്നേഹത്തിന്റെ

ആകാശത്തിൽ നിറഞ്ഞൊഴുകി പരക്കുന്നുവോ

അവിടമാണെന്റെ ചിറകുകൾ കനിവ് തേടിയത് '

കിനാവുകൾ ചേക്കേറിയ

ഹൃദയാകാശത്തിൽ

ഞാനെന്റെ ജീവിതകഥ പറഞ്ഞു തുടങ്ങട്ടെ. 

മൃതി

കാലങ്ങളുടെ നീണ്ട.........

പ്രയാണത്തിൽ ഞാൻ പോലും അറിയാതെ ഞാൻ എങ്ങോ മൂടപ്പെട്ടുപോയിരുന്നു. വീണ്ടെടുക്കപ്പെടലിന്റെ ദിനങ്ങളിൽ.... 

എന്നിലെന്നോ ഞാൻ പോലുമറിയാതെ,,,,,,

കുഴിച്ചുമൂടപ്പെട്ട എന്നെ നീ എങ്ങനെ കണ്ടെത്തി.

അതോ ഞാൻ നിന്നെ എന്നിലേക്കാവാഹിച്ചതാണോ, അറിയില്ല.

രാത്രിയുടെ അന്ത്യയാമങ്ങളിൽ ശുദ്ധസംഗീതമായ് , ഇളം തെന്നലായ്തഴുകി ഉണർത്തുന്നു.

ഇന്നു ഞാനറിഞ്ഞിടുന്നു നീ കാലം തെറ്റി പൂക്കാൻ പ്രേരിപ്പിച്ച വസന്തമാണ്, കൊടും വേനലിലും,വർഷത്തിലും, മഞ്ഞിലും നീ കാട്ടിടുന്ന കരുണ ഇന്നെനിക്ക് ജീവപ്രാണനാണ്, നീ എന്നിലില്ലാത്തൊരു നേരം ഞാൻ മ്യതിയടയപ്പെടുന്നു

വസന്തമാവണം

ഒരു ഋതുഭേതത്തിനും..

 മായ്ക്കാൻ പറ്റാത്തത്ര !!! കാലയളവുള്ള,,, 

നിന്നിലെ ഒരേയെരു... 

വസന്തമായി നിന്നിലലിഞ്ഞ്,,, തീരണമെനിക്ക്.

പ്രണയം

നിന്റെ പ്രണയത്തിന്റെ ചുഴികളിൽ
പെട്ട് ഞാൻ നിന്നിലേക്ക്
വീണ് മുങ്ങുകയാണെങ്കിൽ
നിന്റെ സ്നേഹ മീനുകളോട്
എന്റെ കണ്ണുകൾ
കൊത്തിവലിക്കരുതെന്ന് പറയണം..
നമ്മളിനിയം
കണ്ടുമുട്ടാമെന്ന് വാക്ക്
പറഞ്ഞിട്ടുള്ളതാണ്.

ആത്മ ചുമ്പനം

നീ 'തന്ന ആദ്യ ചുംബനം ആര്‍ദ്രമാക്കിയത് എന്റെ ആത്മാവിനെയത്  ,ഒരു മേഘ പഞ്ഞി പോലെ ഭാരമില്ലാതാക്കുകയായിരുന്നു. പുറകോട്ടു പാഞ്ഞു പോയ നൂറായിരം ദൃശ്യങ്ങള്‍ ആ സുന്ദരസുരഭിലമായ 'നിമിഷത്തിെനെ ഒന്നാമതാക്കി എന്റെ ജീവിത നിശകളെ ധന്യമാക്കി തീർത്തു, എന്റെ പ്രിയപ്പെട്ടവളെ ഭയത്തിന്റെ മുൾമുനയിൽ നിന്നും നീ കൈ പിടിച്ചത് തീരെ പ്രതീക്ഷിക്കാത്തൊരു നിമിഷത്തിന്റെ കരുതലാണ്, ആ ഒരു ഞൊടിയില്‍ കവിളിലൂടെ നിന്റെ ചുണ്ടിലുടെ ആത്മാവില്‍ മുത്തി ഓടിയകലുമ്പോള്‍, പാതിവഴിയില്‍ ഒളികണ്ണിട്ട് ചിരിച്ചുചിതറിയ ആ പ്രണയം ഇന്നെന്നെ കീഴ്പ്പെടുത്തിയിരിക്കുന്നു.

ഭ്രാന്തമാം സ്നേഹം

അല ഒടുങ്ങാത്ത കടൽപോലെ. കാത്തിരിപ്പിനെ നോവിനും മേലെ..... സ്നേഹിച്ചു പോയൊരുവനാണിന്നു ഞാൻ.. 

അസ്തമയത്തിൻ ചെൻചുവപ്പിൽ ജീവന്റെ നിമിഷങ്ങൾ കോറിയിട്ടൊരു വൻ...

സ്നേഹത്തിൻ ഇതളുകൾ ഒന്നൊന്നായി പ്രാണന്റെ ചരടിൽ കോർത്തെടുതിടുന്നു സഖീ നിനക്കായ്...

എന്റെ ഓരോ ഹൃദയതുടിപ്പിലും നിന്റെ ഓർമ്മകൾ അലയടിച്ചുയരുന്നു ഒരു തീരം തേടി... 

കരയിൽ നിന്നൂറിടുന്ന മണൽത്തരികൾ പോലെഅവളിലേക്കെന്റെ പ്രാണൻ  ഒഴുകിടുന്നു... 

രക്തം തേടും ഞരമ്പിൽ പോലും ഭ്രാന്തമാം സ്നേഹം നില തെറ്റി  ഒഴുകിടുന്നു .. 

നീ അകലുമ്പോൾ  പൊലിയുന്ന ജീവന്റെ കണത്തിലും ഞാൻ ഹൃദയത്തിൽ സൂക്ഷിച്ച മൃതിയിൽ ഒടുങ്ങാത്ത സ്നേഹം  ആഴിയിൽ ചേർന്നു ഒഴുകിടട്ടെ